Wonnie kultuur
Ons is trots op die kulturele buitemuurse aktiwiteite wat Wonnies bied.
‘n Wonnie-koorkind is ‘n gebalanseerde leerder wat baie kan doen; hard kan werk op akademiese gebied, voluit sy deel doen op die sportveld en dan ook uit volle bors kan sing en die vreugde van musiek kan waardeer! Koorwerk bestaan nie net uit sing nie, dit is ook om sosiaal te ontwikkel, as ‘n span saam te werk en om saam pret te hê.
Die doel van die koor is om sangtalent van ‘n Wonnie te ontgin en te ontwikkel.
Die missie van die koor is om helder en suiwer koorklanke voort te bring en om ‘n liefde vir koorsang en musiek by Wonnies te kweek.
Wonderklankies (Juniorkoor)
Laerskool Wonderboom se Junior Koor bestaan uit graad 1- tot 3-leerders. Die koorjaar strek vanaf Januarie tot November elke jaar en die oudisies vind in die vierde kwartaal plaas.
Ons neem aan kunswedstryde en koorkompetisies deel. Ons tree ook saam met gaskunstenaars op!
Organiseerder: Me. Carina Rademan
Seniorkoor
Die Seniorkoor bestaan uit graad 4- tot 7-leerders. Oudisies vind gedurende die vierde kwartaal plaas . Indien ‘n koorlid hom/haar tot die koor verbind, geld dit vir die volle koorjaar wat in Oktober begin en aanhou tot oudisies in die volgende jaar gehou word.
Die koor neem aan die volgende deel:
- ATKV-Applous
- Eisteddfod
- Jakaranda Kinderkoor Winterkonsert
- Koorfeeste & -funksies
- Kunswedstryde
- Enige skoolkultuuraktiwiteite
- Tshwane Youth Arts Festival – Staatsteater
Koorleier: Mnr. Pieter Bezuidenhout
Begeleier: Mnr. Ferdie Geyer
Organiseerder: Me. Heloïse de Nysschen
Welkom by Voor-die-Berg Voortrekkers
Die Voortrekkers is ’n moderne en dinamiese kultuurbeweging wat voorloop in die ontwikkeling van jong Afrikaanse leiers. Ons bemagtig jeuglede om hul roeping tot diensbaarheid as Christen uit te leef en om positiewe burgers te wees. Die Voortrekkers is ’n plek waar jeuglede kultuur, in die natuur, deur avontuur, geniet.
Kommando dagbestuur van Voor-die-Berg Voortrekkers
- Gary Hendry
- Kommandoleier
- 082 565 3752
- kommandoleier@voordieberg.co.za
- An-Marie Swanepoel
- AKL Admin
- 083 376 8223
- admin@voordieberg.co.za
- Liné Rudolph
- AKL Bemarking
- 072 466 6607
- bemarking@voordieberg.co.za
Besoek gerus die hoofwebblad
Public Speaking is die Engelse weergawe van die Interne Redenaars by ons skool. Dit is ‘n vaardigheid wat leerders die geleentheid bied om met selfvertroue in hul tweede taal te kommunikeer.
Ons jaarlikse Public Speaking vir graad 4 tot 7 vind in die 3de kwartaal plaas. Die leerders neem in klasverband deel wat as ‘n assessering dien. Die top 6-8 uit die graad word dan uitgenooi na ‘n geleentheid om aan ‘n Engelse Public Speaking kompetisie deel te neem – Noord-van-die-Berg.
Die Junior Revue groep van Laerskool Wonderboom bestaan al 20 jaar onder leiding van me. Rethna Oosthuizen. Die Klawerklitsies bestaan uit Graad 2-, 3- en 4-leerders van Laerskool Wonderboom.
Die Klawerklitsies bestaan uit 60 tot 70 lede, afhangende van die hoeveelheid leerders wat die oudisie geslaag het. Oudisies word aan die einde van die jaar gehou. Temas en liedjies word uitgesoek om by die ouderdom van die leerders te pas.
Die kostuums waarmee hulle optree word deur ‘n professionele kleremaakster ontwerp en gemaak.
Die Klawerklitsies se missie is om ‘n gesonde omgewing vir leerders te skep waar dans en sing op ‘n goeie, georganiseerde en gedissiplineerde wyse ontwikkel word. Aangesien die Klawerklitsies in die openbare oog is en direk die skool verteenwoordig word van elke leerder en sy/haar ouers verwag om die gedragskode en waardes van die skool uit te leef.
Hulle oefen twee keer per week en het ook oefennaweke deur die jaar. Die Klawerklitsies tree by verskeie groot geleenthede op en neem ook aan groot kompetisies deel.
Die Klawerkitsies se positiewe energie is aansteeklik en die onderwysers vorm ’n hegte band met elke leerder. ‘n Heerlike ervaring vir elke dansertjie in wording.
Redenaarkompetisies bied ‘n platform waarop Wonnies hulle redevoering kan uitleef!
Ons neem jaarliks aan die ATKV-Redenaars deel, wat vir ons ‘n spog en eer is. Daar is ook ander geleenthede waar leerders blootstelling kry om dié vaardigheid ten volle uit te leef.
Ons bied ook jaarliks ons Interne Redenaars vir juniors (graad 1 tot 3) en seniors (graad 4 tot 7) aan wat ‘n spoggeleentheid is. Leerders berei elkeen ‘n toespraak voor vir ‘n assessering en daarvolgens nooi ons die top 6-8 per graad uit, wat aan die Interne Redenaars deelneem. Die algehele wenner vir die aand, ontvang ‘n trofee by ons Meriete-aand.
Ons skryf jaarliks in vir die Noord-van-die-Berg Redenaarskompetisie, waar ons leerders puik presteer.
Die redenaars kry ook ‘n geleentheid om aan ‘n Engelse Public Speaking kompetisie deel te neem – Noord-van-die-Berg.
Die Wonnie Teatro is ‘n dramagroep wat uit twintig graad 6- en 7-leerders bestaan. Die dramagroep het in 2016 ontstaan. Die doel van die groep is om dramatalent en kreatiwiteit te ontwikkel. Verskeie dramategnieke soos mimiek, improvisasie, groepwerk, samesprake, tonele, opvoerings en monoloë word by die leerders ontwikkel. Die leerders beoefen stemtegnieke en ontspan lekker met ontspanningsoefeninge. By Wonnie Teatro word ‘n geleentheid vir die leerders geskep om lekker hard te lag en die akteur of aktrise, wat nog altyd weggesteek was, te ontdek.
Gedurende ‘n Wonnie Teatro-jaar woon die leerders verskillende werkswinkels by wat radiowerk, grimering en videowerk insluit. Daar word jaarliks ‘n geleentheid vir die leerders geskep om op die verhoog op te tree. Die leerders wys hulle talent op die verhoog vir vriende en familie tydens ‘n gesellige kuiergeleentheid.
Organiseerder en afrigters: Me. Sarietha van Onselen en me. Jansie Lindeque
Laerskool Wonderboom se senior revue groep staan bekend as die Staccato’s.
Staccato’s beteken ‘lig en beweeglik’ daarom neem elke produksie die gehoor op ’n reis na asem-ophou, bewondering en genot. Staccato’s is in 2005 gestig en het al groot hoogtes bereik. Die groep bestaan uit ongeveer 70 leerders.
Ons tema is elke jaar iets nuuts en vars wat deur ons ervare choreograaf met passie en ywer aan die leerders geleer word. Ons neem deel aan verskeie kompetisies en kunswedstryde tydens die seisoen en dit is jaar op jaar ’n belewenis vir die leerders (en ouers).
Die tema van elke jaar bepaal hoe die wonderlike kostuum moet lyk en dit is jaarliks ’n betowering. Leerders dans ook met bykomstighede en werk met dekor.
Personeel betrokke by die Staccato’s is me. A. Murphy (organiseerder), me. B. Botha, me. T. Dartnell en mnr. J. Fivaz. Me. C. Gamble het ook vanjaar uitgehelp.
Oefening geskied op Maandae vanaf 14:15 – 15:30 en op Woensdae vanaf 15:00 – 16:00. Ons probeer tot die beste van ons vermoëns om akkommoderend te wees ten opsigte van ander buitemuurs.
Dit is werklik ’n groot trots om deel te wees van die Staccato’s!